Πηγή: http://www.synaxarion.gr/gr/index.aspx

Ἀπολυτίκιο. Ἦχος δ’. Ὁ ὑψωθεῖς ἐν τῷ Σταυρῷ.
Τῶν Μακκαβαίων τόν ἑπτάριθμον δῆμον, σύν τῇ μητρί Σολομονῇ τῇ ἁγίᾳ, καί Ἐλεάζαρ ἅμα εὐφημήσωμεν· οὗτοι γάρ ἠρίστευσαν, δι’ ἀγώνων νομίμων, ὡς φρουροί καί φύλακες, τῶν τοῦ Νόμου δογμάτων· καί νῦν ὡς καλλιμάρτυρες Χριστοῦ, ὑπέρ τοῦ κόσμου, ἀπαύστως πρεσβεύουσι.

Κοντάκιον. Ἦχος β’. Τά ἄνω ζητῶν.
Σοφίας Θεοῦ, οἱ στῦλοι οἱ ἑπτάριθμοι, καί θείου φωτός, οἱ λύχνοι οἱ ἑπτάφωτοι, Μακκαβαῖοι πάνσοφοι, πρό Μαρτύρων μέγιστοι Μάρτυρες, σύν αὐτοῖς τόν πάντων Θεόν, αἰτεῖσθε σωθῆναι τούς τιμῶντας ὑμᾶς.

Μεγαλυνάριον.
Χαίροις ἡ ἑπτάκλωνος συνδρομή, ὄρπηκες ὡραῖοι, Μακκαβαίων τῆς πατριᾶς, σύν μητρί τῇ θείᾳ, ἅμα καί διδασκάλῳ, οἱ εὐκλεεῖς τοῦ Νόμου, καί θεῖοι φύλακες.